އާދީއްތަ ދުވަހު ނިއު ޒިލޭންޑްގެ ފުރަބަންދު އިތުރަށް ހަރުކަށި ކުރުމަށް ނިންމާފައިވާ އިރު، އެ ޤައުމުގެ ބޮޑު ވަޒީރު ޖަސިންޑާ އާރޑަން ވަނީ އަމިއްލަފުޅަށް މާސްކެއް ހައްދަވައި އެ އަޅުއްވާ ވީޑިޔޯ އޭނާގެ ފޭސްބުކްގައި ޢާންމު ކުރައްވާފަައެވެ.
އާރޑަން ވިދާޅުވާ ގޮތުގައި އޭނާ އަމިއްލަފުޅަށް މާސްކެއް ހެއްދެވީ، ކޮރޯނާ ވައިރަހާއި ދެކޮޅަށް އެ ޤައުމުން ކުރަމުން އަންނަ މަސައްކަތުގައި އޭނާ ވެސް ޢާންމުނެކޭ އެއްފަދައިން ޢަމަލީ ގޮތުން ބައިވެރިވުމަށެވެ.
އަންނަ އާދީއްތަ ދުވަހުން ފެށިގެން ޢާންމު ދަތުރުފަތުރު ކުރާ ހުރިހާ އުޅަނދުފަހަރެއްގައި މާސްކު ބޭނުން ކުރަން ޖެހޭނެކަމަށް އެ ޤައުމުގެ ސަރުކާރުންވަނީ އަންގަވާފައެވެ.
5 މިލިޔަން މީހުންގެ އާބާދީ އޮތް ނިއު ޒިލެންޑްގައި ކޮމިޔުނިޓީ ސްޕްރެޑް ކޮންޓްރޯލުކޮށްފައި ވީ ނަމަވެސް އެ ޤައުުމުގެ އެންމެ ބޮޑު ސިޓީ، އަކްލަންޑްގައި ވަނީ އަނެއްކާވެސް ކޭސް ތަކެއް ފެނި، ފުރަބަންދަކަށް ގޮސްފައެވެ.
އާރޑަން އަދި ލޯކަލް ކޮމިޔުނިޓީ ހެލްތު ލީޑަރު ޑޭވް ލީޓޭލް އާއި ބައްދަލުކޮށް މަޝްވަރާކޮށްފައިވާ އެއް ކަމަކީ މޫނު ނިވާ ކުރުމާއި، މާސްކު ގޭގައި ހެދޭނެ ގޮތްތަކާއި މެދުގައެވެ.
”އަހަންނަށް ވެސް މާސްކެއް ހެދޭ ތޯ ބަލާލީ“ މާސްކު ހަދަން ބޭނުންވާ އާލާތްތަކާއި އެކު ނަގާފައިވާ ފޮޓޯއެއްގައި އާރޑަން ބުނެފައިވެއެވެ.
އަލުން ކޮރޯނާ ވައިރަސް ފެތުރެން ފެށުމާއި އެކު އަކްލަންޑްއިން ވަނީ 150 މިހުން އަލުން ޕޮޒިޓިވެްވެފައެވެ. އަދި މިހާރު މި ޢަދަދު ކޮންޓްރޯލު ކުރެވުފައިވާ ކަމަށާއި، މި ޢަދަދު ދަނީ ދަށްވަމުން ކަމަށް އެ ޤައުމުގެ ސިއްޙީ އިދާރާތަކުން އަންނަނީ ބުނަމުންނެވެ.
