ބިޑްކުރުމަކާއި ނުލައި ސަރުކާރުގެ މަސައްކަތްތައް ހަވާލުކުރެވޭގޮތަށް ދަޢުލަތުގެ މާލިއްޔަތުގެ ޤަވާއިދުގައި އޮންނަ މާއްދާއަށް ބަދަލު ގެނެސްފިއެވެ.
މިކަމާއި ގުޅިގެން ފިނޭންސް މިނިސްޓަރު އިބްރާހިމް އަމީރު ވިދާޅުވީ ކޮރަޕްޝަންގެ ހިރާސް(ރިސްކް) ކުޑަކުރުމަށްޓަކައި މާލިއްޔަތުގެ ޤަވާއިދަށް ގެންނަންޖެހޭ ބަދަލުތައް ގެންނަމުންދާ ކަމަށެވެ.
އެ ގޮތުން ކޯޕަރޭޓިވް ސޮސައިޓީއާއި ޤައުމީ ޖަމްޢިއްޔާއާއި ސިންގަލް ސޯސްކޮށްދެވޭގޮތަށް މީގެ ކުރިން އޮތް މާއްދާ ބަދަލުކޮށްފައިވާކަމަށް ވެސް އަމީރު ވިދާޅުވިއެވެ.
އޭގެ އިތުރުން އަމީރު ވިދާޅުވީ ފިނޭންސް މިނިސްޓްރީން އިސްނަގައިގެން އެޓާރނީ ޖެނެރަލްއާއި އޮޑިޓަރ ޖެނެރަލްއާއި އޭސީސީ ހިމެނޭގޮތަށް ކޮމިޓީއެއް ހަދައި އެ ކޮމިޓީގެ އެންޑޯސްމަންޓާއެކު ބިޑްކުރުމަކާއި ނުލައި ސަރުކާރުގެ މަސައްކަތްތައް ހަވާލުކުރެވޭގޮތަށް ދަޢުލަތުގެ މާލިއްޔަތުގެ ޤަވާއިދުގައި އޮންނަ މާއްދާއަށް ބަދަލުގެނެސް ބިޑުކުރުމަކާއިނުލައި މަސައްކަތް ހަވާލުކުރެވޭ އުސޫލެއް އެކުލަވައިލާ ގެޒެޓްކުރަން ފޮނުވާފައިވާކަމަށެވެ.
