ލަންޑަންގައި ދިރިއުޅެމުން އަންނަ 36 އަހަރުގެ ޕޫރްނާ ކާމޭޝްވަރީ ސިވަރާޖް އަދި އޭނާގެ ކުޑަދަރިފުޅު ކައިލާޝް ކޫހާ ރާޖް މަރުވެފައިވަނިކޮށް ވަނީ އެމީހުން ދިރިއުޅޭ ފުލެޓުން އިއްޔެ ފެނިފައެވެ. އަދި ފުލުހުން ބުނިގޮތުގައި މި ދެމައިން މަރުވެފައި ތިބިތާ ދުވަސް ކޮޅެއް ވެއްޖެ ކަމަށެވެ. އަދި ފުލުހުންނަށް މިކަން އެނގުނީ މި ދެމައިންގެ ޚަބަރެއް ނުވާތާ ދެހަފްތާ ވެގެންދިއުމާއި އެކު އަދި މަންމަ ޕޫރްނާގެ ޚަބަރެއް ނުވެގެން އާއިލާއިން ފުލުހުންނަށް އެންގި އެންގުމުގެ މަތީން ފުލުހުން ކުރި ތަޙްގީގުންނެވެ.
ފުލުހުން ޕޫރްނާ އުޅޭ ގެއަށް ދިޔައިރު ގޭގައި ތަޅުލާފާ ހުރުމާއި އެކު ގެއަށް ވަންނަން މަސައްކަތް ކުރުމުގެ ތެރޭގައި ޕޫރްނާގެ ފިރިމީހާ ކޫހާ ރާޖް ސިތަންޕަރަނަތަން (46އ) ވަނީ އަމިއްލަ ގަޔަށް ވަޅިހަރައި އެވަގުތު މަރުވެފައެވެ. އަދި އޭނާ މަރުވެފައިވަނީ ފުލުހުން ވަންތާ މާގިނަ އިރެއް ނުވަނީސް ކަމުގަޔާއި ހަށިގަނޑަށް ބޮޑެތި އަނިޔާ ކޮށްފައިވާ ކަމުގައި ފުލުހުން ވަނީ ބަޔާންކޮށްފައެވެ.
މި މައްސަލާއާއި ގުޅިގެން ފުލުހުން ހިންގި ތަޙްގީގުން އިނގުނު ގޮތުގައި އަވަށްޓެރިންނަށްވަނީ ޕޫރްނާ އާއި އޭނާގެ ފިރިމީހާ ލޮކްޑައުން އިރު ޒުވާބުކުރި އަޑުއިވިފައެވެ. އަދި ލޮކްޑައުން ވިފަހުން އެދެމީހުންގެ ގުޅުން ވަރަށް ގޯސްވެގެންދިޔަ ކަމަށްވެސް އަވަށްޓެރިން ވަނީ ބުނެފައެވެ. މިގޮތުން ބައެއް ދުވަސްދުވަހު ވަރަށް ގިނަ އިރު ވަންދެން ޒުވާބުގެ އަޑު އެގެއިން އިވޭ ކަމަށްވެސް ބުނެފައިވެއެވެ.
އެ އިމާރާތުގައި ދިރިއުޅޭ މީހަކާ ހަވާލާދީ ބުނެފައިވާ ގޮތުގައި ޕޫރްނާ ދިރިއުޅެމުން އައ ފުލެޓު ލެއިން ފުރިފައިވާ ކަމަށާއި އަދި އަދި އެގޭގައި ގެންގުޅޭ ކުއްތާ ވެސް މަރާލާފައިވާކަމަށް ފުލުހުން ބުނި ކަމުގައިވެއެވެ. އަދި މިދިޔަ ހޯމަދުވަހުވެސް އެގެއަށް ވަދެވޭތޯ ފުލުހުން އެތައް އިރެއްވަންދެން މަސައްކަތް ކުރިކަމަށާއި ދޮރު ނުހުޅުވުމުން ތަޅު ހަލާކުކުރަން މަޖްބޫރުވީ ކަމުގައިވެސް ފުލުހުން ވަނީ ބުނެފައެވެ.
އަދި މި މަރާއި ގުޅިގެން ޕޯސްޓް މޯޓަމް ހެދުމަށް ފުލުހުން ވަނީ ނިންމާފައެވެ. އަދި ޑިޓެކްޓިވް ޗީފް އިންސްޕެކްޓަރ ސައިމަން ހާރޑިން ބުނިގޮތުގައި މި މަރުގެ ތަހްގީގު ކުރިއަށްދާކަމަށާއި އަދި އެ ދެމައިން މަރުވެފައިވާތާ ދުވަސްކޮޅެއް ވެއްޖެ ކަމަށެވެ. އަދި މިއީ މަރުގެ ތަހްގީގެއްކަމަށާއި އަދި އެދެމައިންން މަރުވާން ޖެހުނު ސަބަބާއި، ފިރިމީހާ ކޫހާ ރާޖް އަމިއްލަޔަށް މަރުވި ސަބަބު ބަލާނެކަމުގައެވެ. އަދި މި މަރާއި ގުޅިފައިވާ އާއިލާތަކަށް ކުރާނެ އަސަރު ބުނެދޭންވވެސް ނޭގޭ ކަމުގައި ޑިޓެކްޓިވް ނަނީ ބުނެފައެވެ.
އަވަށްޓެރިން ބުނާ ގޮތުން އެ އާއިލާއަކީ އަބަދުވެސް ވަރަށް އުފަލުން އުޅެމުން އައި އާއިލާއެކެވެ. އަދި ވަރަށްގިނައިން އާއިލާ އެއްކޮށް ހިނގަން ނުކުމެ އުޅޭތަންވެސް ފެންނަ ކަމުގައި އެ ފަރާތްތަކުންވަނީ ބުނެފައެވެ. އެހެންނަމަވެސް، އާއިލާ އެއްކޮށް ކުރިން އުޅުނުހެން ނުފެންނަތާ ވަރަށްގިން މަސްތަކެއް ވެދާނެ ކަމަށްވެސް އެކަކު ވަނީ ބުނެފައެވެ.
