ރާއްޖެ އަޅުވެތިކުރަން ނޫޅުމަށާއި ރާއްޖޭގައި ތިބި އިންޑިއާ ސިފައިން އަނބުރާ އެ ޤައުމަށް ގެންދިއުމަށް އިންޑިއާގެ ބޮޑުވަޒީރު ނަރެންދުރަ މޯދީއަށް އިދިކޮޅު ކޯލިޝަނުން ގޮވާލައިފިއެވެ.
އިދިކޮޅު ކޯލިޝަނުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޕީއެންސީގެ އިންތިޤާލީ ރައީސް ޢަބްދުއްރަޙީމް ވިދާޅުވީ ރާއްޖޭގައި އިންޑިއާ ސިފައިން ތިބުމާއި ބެހޭގޮތުން ސަރުކާރުން އެކިފަހަރު ވާހަކަދައްކަނީ އެކި ގޮތަށް ކަމަށާއި ނަމަވެސް ރާއްޖޭގައި މިހާރު އިންޑިއާ ސިފައިން ތިބިކަން ޔަޤީންވެފައިވާ ކަމަށެވެ.
ރާއްޖެ އަޅުވެތިކުރަން ނޫޅުމަށާއި ރާއްޖޭގައި ތިބި އިންޑިއާ ސިފައިން އަނބުރާ އެ ޤައުމަށް ގެންދިއުމަށް އިންޑިއާގެ ބޮޑުވަޒީރު ނަރެންދުރަ މޯދީއަށް ގޮވައިލައްވާކަމަށް ވެސް ޢަބްދުއްރަޙީމް ވިދާޅުވިއެވެ.
އޭގެ އިތުރުން ޢަބްދުއްރަޙީމް ވިދާޅުވީ ރާއްޖެ ކުޑަވެފައި އިންޑިއާ ބޮޑުވުމަކީ ރާއްޖެ ހިޞާރުކުރަން މޯދީއަށް ލިބޭ ލައިސެންސެއް ނޫންކަމަށެވެ.
މޯދީއަށް މެެސެޖުތަކެއް ދެއްވަމުން ޢަބްދުއްރަޙީމް ވިދާޅުވީ ރާއްޖެއަކީ ދިވެހިންގެ އަމިއްލަ ޤައުމުކަމަށާއި މި ޤައުމަކީ ކާބަފައިން ލެއާއި ދާއޮހޮރުވައިގެން މިހައި ހިސާބަށް ގެނެސްދެއްވާފައިވާ މިނިވަން މުސްތަޤިއްލު ޤައުމެއްކަމަށެވެ. އަދި ރާއްޖެއަކީ ސައްތައިންސައްތަ މުސްލިމު ޤައުމެއްކަމަށާއި ރާއްޖޭގައި ބުދަށް އަޅުކަން ކުރަން ޖާގަދޭކަށް ބޭނުންފުޅުނުވާކަމަށާއި ރާއްޖޭގައި އޮތް ސުލްހަވެރިކަން ނަގާލައި އެކުވެރިކަން ގެއްލުވައިލަން ވެސް ބޭނުންފުޅުނުވާކަމަށް ވެސް ޢަބްދުއްރަޙީމް ވިދާޅުވިއެވެ.
ހަމައެއާއެކު ޢަބްދުއްރަޙީމް ވަނީ ސައްތައިންސައްތަ މުސްލިމު ޤައުމެއްގެ ގޮތުގައި ބޭއްވުމަށާއި މިނިވަން މުސްތަޤިއްލު ޤައުމެއްގެ ގޮތުގައި ބޭއްވުމަށާއި އެކުވެރިކަމާއި އެއްބައިވަންތަކަމާއެކު ރައްޔިތުންގެ ޙައްޤުތައް ކަށަވަރުކޮށްދީ މި ޤައުމު ކުރިއަށް ގެންދަން ނިކުންނަން ތައްޔާރަށް ތިބިކަމަށް ވިދާޅުވެފައެވެ. އަދި ވާންޖެހުނު ކޮންމެ ޤުރުބާނީއެއްވުމަށް ސާބިތުކަންމަތީގައި ކެރިގެން ތައްޔާރަށް ތިބިކަމަށް ވެސް ޢަބްދުއްރަޙީމް ވަނީ ވިދާޅުވެފައެވެ.
Baghaavaaiy raavamun gedhaathee India sifain raajjeygai thibejje nama baghaavaaiy koh gethakuge furaalhu gai vaa tinu thah dhanvaru vagah vikkan varah dhathi vedhaane thee Adhurey ge baigadu kan boduvanee.
Hahaha..dhogehvaa nun..lol