އަންހެން ހެދުން އެޅުމަށް ގަޔާވާ 47 އަހަރުގެ ފިލިޕް ޓާވާރ އޭނާގެ 86 އަހަރުގެ މަންމަ މެރުމުގެ ތުހުމަތުގައި 19 އަހަރަށް ޖަލަށް ލުމަށް ހުކުމް ކޮށްފައެވެ.
ފިލިޕް ޓާވާރ އޭނާގެ މަންމަ މަރާލައިފައިވަނީ މަސްތުގެ ހާލުގަ ހުރެ އޭނާގެ މަންމަގެ ބަނޑަށް ވަޅި ހެރުމަށްފަހުއެވެ. އަދި މަރާލުމަށްފަހު ހަށިގަނޑުން ބޯ ބުރިކޮށް ފްރީޒާއަކަށް ވަނީ ލާފައެވެ. އަދި އެއަށްފަހު އޭނާގެ މަންމަ އެންޖެލާގެ އިނގިލިތައް ބުރިކޮށް ސައިކުރާއަށް ލާފައިވެއެވެ.
މިހާދިސާ ހިނގާފައިވަނީ މިދިޔަ އަހަރު ޑިސެމްބަރު މަހުގެ 19 ވަނަ ދުވަހުއެވެ. ފިލިޓް އޭނާގެ މަންމަ މަރާލުމަށްފަހު 83 އަހަރުގެ ބައްޕަ ކޯލިން އަށް ރޭޒަރަކުން ހަމަލާދިނުމަށް މަސައްކަތް ކުރިއެވެ. އެހެންނަމަވެސް، އޭނާ ހަމަލާދިނުމުގެ ކުރިން ކޯލިންވަނީ ފުލުހުންނަށް ގުޅުމުގައި ކާމިޔާބު ވެފައެވެ.
މިމައްސަލަ ކޯޓުގައި ބަލަމުން ދިޔައިރު ކޯލިން ކިޔައިދިން ގޮތުގައި އޭނާގެ ދަރި އެހާބޮޑުވެފައިވީ އެރު އެއްވެސް މަސައްކަތެއް ނުކުރާ ކަމަށާއި އޭނާގެ ހުރިހާ ޚަރަދެއް ބަލަހައްޓަނީ މުސްކުޅި މައިންބަފައިން ކަމުގައި ކިޔައިދިނެވެ. އަދި އޭނާ ގިނަ ރޭތައް ހޭދަކުރަނީ ގޭމް ކުޅުމުގަޔާއި މަސްތުވާ ތަކެތި ބޭނުން ކުރުމުގައި ކަމުގައިވެސް ކޯލިން ކިޔައިދިނެވެ. ފުލުހުން ފްލީޓް އާއި ސުވާލުކުރުމުން އޭނާ ވަނީ ތުހުމަތު ދޮގުކޮށް އޭނާގެ ބައްފަގެ ބޮލުގައި މަރުގެ ތުހުމަތު އަޅުވާފައެވެ. އެހެންނަމަވެސް، ނަފްސާނީ ބަލީގެ ޑޮކްޓަރުން ވަނީ އޭނާގެ ސިކުނޑި ހަމަޖެހޭ ކަމަށާއި އަދި އޭނާ މަސްތުވާ ތަކެތީގެ އަވާގައި ހުރެ ކުރި ކަމެއް ކަމުގައި ބުނެފައެވެ.
ހަދިސާ ހިނގާދިޔަގޮތް ކޯޓަށް ކިޔައިދެމުން ކޯލިން ބުނިގޮތުގައި ހާދިސާ ހިނގައިދިޔަ ދުވަހުގެ އެއްދުވަސް ކުރިން އޭނާ ލައްވާ 7 ފުޅި ރަލަށް ލާރި ދެއްކިކަމުގައި ވެއެވެ. އަދި ޖެހިގެން އައި ދުވަހު ހެނދުނު އަންހެން ހެދުމެއް އަޅައިގެން ގޭތެރެ ސާފުކުރުމަށް ސިޓިންގް ރޫމް އަށް އައެވެ. އަދި އެދެމަފރިން ޓީ.ވީ ބަލަން އުޅެނިކޮށް ޓީ.ވީ ގެ ވާގަނޑު ނައްޓާ އުނދޫކުރިކަމަށް ބުންޏެވެ. އަދި ކޯލިން އޭނައާ ދިމާލަށް ހަޅޭ ލަވައިގަތުމުން ބަދިގެއަށް އޭނާ ދިޔައެވެ. އޭރު އޭނާގެ މަންމަ ސައިތައްޓެއް ހެދުމަށް ބަދިގ ތެރޭގައި ހަރަކާތްތެރިވެ އުޅެއެވެ. އަދި ކޯލިން ޓީވީގެ ވާގަނޑު ޖެހިތަނާހެން ބަދިގެއިން ހަޅޭކުގެ އަޑު އިވުނުކަމަށާއި އަދި އޭނަ ދިޔައިރު އޭނަ އަންހެނުން ބަދިގެއަށް ވެއްޓިފައި އޮތް ކަމަށް އޭނާ ކިޔައިދިނެވެ. އަދި ކޯލިން އަށް އެ މަންޒަރު ފެނުނު ކަން ފިލިޓްއަށް އެނގުނު ހިސާބުން އޭނާ މަރާލާނެ ކަމަށް ފިލިޓް ބުނިކަމުގައި ވެއެވެ.
ކޯލިން ކިޔައިދިން ގޮތުގައި އޭނާ އެވަގުތު މަސައްކަތް ކުރީ ވީހާވެސް އަވަހަށް ފުލުހުންނަށް ގުޅޭތޯއެވެ. އަދި އޭނަ ދިޔަވަގުތު ފިލިޓް ވަނީ އޭނާގެ މަންމަގެ ބޯ ބުރިކުރުމަށްފަހު ފޮށްޓަކަށްލާ ފްރީޒާއަށް ލާފައެވެ. އަދި އިނގިލަތައް ފެނުނީ ސައި ކައްކަން ގެންގުޅުނު ކުރައަށް އަޅާފައެވެ. ކޯލިން މި ވާހަކަތައް ކޯޓަށް ކިޔައިދީފައިވަނީ ނުހަނު ހިތާމައާއި އަސަރާއި އެކިއެވެ.
ފިލިޓް ޓާވާގެ މައްޗަށް އޭނާގެ މަންމަގެ މަރުގެ ތުހުމަތުގައި 19 އަހަރުގެ ޖަލު ހުކުމެއް މިއަދު ކޯޓުން އިއްވާފައިވެއެވެ. އަދި އޭނާގެ ބައްޕައަށް ބިރުދެއްކުމުގެ ތުހުމަތުގައި އިތުރު 18 މަސްވަނީ އިތުރުކޮށްފައެވެ. ކޯޓުން ބުނިގޮތުގައި އޭނާގެ މައްޗަށް އިތުރު ދައުވާ ތަކެއްވެސް ވެއެވެ.
