އައިޖީއެމްއެޗްގެ އިހުމާލުން ދަރިފުޅު ނިޔާވި މައްސަލައިގައި ސިޓީލިތާ އަހަރެއްވެގެންދާއިރު ޖަވާބެއް ނުލިބޭތީ މައިންބަފައިން ކަންބޮޑުވުން ފާޅުކޮށްފިއެވެ.
ހުސްވި އަހަރު ނޮވެމްބަރު މަހުގެ 16 ވަނަ ދުވަހުގައި އައިޖީއެމްއެޗުން ނެރުނު ބަޔާނެއްގައި ވަނީ އެ ހޮސްޕިޓަލުގައި ”ވިހެއުމަށްފަހު ރޭ ދެ ކުއްޖަކު ނިޔާވި ޚަބަރާއި ގުޅިގެން ދަންނަވަމެވެ. އިއްޔެއާއި ރޭ މި ހޮސްޕިޓަލުގައި ވިއްސި ކުދިންގެތެރެއިން ދެ ކުއްޖަކު ވަނީ ނިޔާވެފައެވެ. މި ދެ ކުދިން ވެސް ނިޔާވެފައިވާކަމަށް ބެލެވެނީ ވިހެއުމުގެ ކުރިންނެވެ.“ މިފަދައިންނެވެ.
ހުސްވި އަހަރު ނޮވެމްބަރު މަހުގެ 16 ވަނަ ދުވަހުގައި އައިޖީއެމްއެޗުން ނެރުނު އެ ބަޔާނާއެކު ފާޠިމަތު ނިއުމާ ކިޔާ މީހަކު މިއަދު ކުރި ޓްވީޓެއްގައި ބުނީ ދަރިފުޅު ބަނޑަށް މަރުވީއެއް ނޫން ކަމަށެވެ.
”ދަރިފުޅު ބަނޑަށް މަރުވީއެއް ނޫން. އައިޖީއެމްއެޗުން ފްރައިޑޭވީމަ އޮފްޑޭ އޭ ކިޔާފަ ތިބީ ބަލަން. 11 މަސް ވަންދެން އެއްޗެކޭ ނުބުނެ މި ހުންނަނީ ތިކުރާ އިންވެސްޓިގޭޓެއް ބަލަން.“ ނިއުމާ ބުނެފައިވެެެއެވެ.
މީގެ އިތުރުން ނިއުމާ ކުރި އެހެން ޓްވީޓެއްގައި ވެސް މި ވާހަކަތައް ތަކުރާރުކޮށް ކަންބޮޑުވުން ފާޅުކޮށްފައިވެއެވެ.
”11 މަންތްސްވީ ލެޓާރއެއްގެ ޖަވާބު ނުދެވިގެން ތި އުޅެނީ.އައިޖީއެމްއެޗްވެފައި އޮތް ނެގްލިޖެންސް ބޮޑުކަމުން. އަދިވެސް އިންވެސްޓިގޭޓްކޮށް ނުނިމެނީތަ“(ނިއުމާ)
މާބަނޑު މީހުންގެ ބަނޑަށް ދަރިފުޅު މަރުވާ މައްސަލަތައް މި އަހަރުގައި ވެސް ފެންމަތިވެފައިވެއެވެ. އެއްމައްސަލައަކީ މި އަހަރުގެ މެއި މަހުގެ 14 ވަނަ ދުވަހު ފެންމަތިވެފައިވާ މައްސަލައެކެވެ. އެ މައްސަލައަކީ ތޮއްޑޫ މާބަނޑު އަންހެނަކު، އެ އަތޮޅު ރަސްދޫ ހޮސްޕިޓަލަށް ގެންދިއުމަށް ހުއްދައެއްނުލިބި ވަގުތުތަކެއް ފާއިތުވެ، އެ މާބަނޑު މީހާއަށް ތޮއްޑޫގައި ވެސް ފަރުވާލިބޭނެ ގޮތެއް ނުވެ ބަނޑަށް ދަރިފުޅު ނިޔާވިކަމަށް ބުނާ މައްސަލައެވެ.
މީގެއިތުރުން މި އަހަރުގެ މެއި މަހުގެ 25 ވަނަދުވަހު ށ.ނަރުދޫ މާބަނޑުމީހަކު ވިހެއުމުގެ ވޭންވަރު އައިސް، ވިހަންދާނެ ހޮސްޕިޓަލެއް ހަމަނުޖެހި، އެ އަތޮޅު ފުނަދޫ ހޮސްޕިޓަލަށް އޭނާ ވިހެއުމަށް ގެންދިއުމުގެ ހުއްދައެއްނުލިބި، އެންމެފަހުން މިލަންދޫއިން ކުޅުދުއްފުށި ސިޓީ ހޮސްޕިޓަލާއި ހަމައަށް ގެންދެވުނުއިރު، އެ މާބަނޑުމީހާގެ ބަނޑަށް ދަރިފުޅު ނިޔާވިކަމަށް ބުނާ މައްސަލައެއް ވެސް ވަނީ ފެންމަތިވެފައެވެ.
Kameh vaairah v baarah thelhigenfa bunaane thimassala mi halaneeye, ekamu dhuvahaku nimeythaneh naannaane, igmh govaagen courtah dhaan lafaadhen